Gwamnatin Katsina Ta Yo hayar Karnuka Don Tabbatar da Tsaro A Makarantun kwana

Gwamnatin jihar Katsina ta amince da aikin karnukan da jami’an tsaron da aka tura domin amintar da makarantun kwana na jihar.

 

Wannan matakin, a cewar Kwamishinan Ilimi na Jihar Katsina, Dokta Badamasi Lawal Charanchi an yi shi ne don kara wa kokarin jami’an tsaro da ke hade da kowace makarantar Inganci.

 

“An shawarce mu da mu tura wadannan karnukan a kowace makaranta saboda suna da kwarewa ta musamman don gano mai kutse cikin sauri fiye da mutane a lokuta da dama.

 

“Wadannan karnukan, lokacin da za a tura su za su fadakar da daliban da sauran jami’an tsaro idan har wasu masu kutse ko ‘yan fashi sun shigo cikin lokaci”, in ji shi.

 

A nasa bangaren, Gwamnan jihar Katsina, Rt Hon. Aminu Bello Masari ya ce gwamnatinsa ta sake karfafa tsarin gine-ginen tsaro na makarantun kwana na jihar kafin sake bude su.

Leave a Reply

Your email address will not be published. Required fields are marked *